Beatissime Pater,

Robertus Maloney, Superior Generalis Congregationis Missionis necnon Puellarum Caritatis, humiliter exponit:

In pluribus dioecesibus erecta reperitur pia quedam Consociatio Immaculatae Conceptionis a Sacro Numismate, vulgo dicta: Association de la Medaille Miraculeuse, eius finis et statuta approbata seu confirmata sunt a Papa Pio X, die 8 julii, 1909. Finis et statuta nuper renovata huius consociationis quae nunc ad novam approbationem proponuntur sunt:

Art. 1. De Origine Devotionis

Consociatio Immaculatae Virgine a Sacro Numismate exstat sicuti vivens et perenne mnemosynon manifestationis Immaculatae Virginis Mariae, anni 1830, cuius festum quotannis agitur die 27 novembris; qua in manifestatione eadem Virgo numismatis ipsius exemplar ostendit, quod mox, in universum terrarum orbem diffusum, a populis "miraculosum" appellatur, ob prodigia quae per illud quotidie divinitus patrata feruntur.

Art. 2. De Fine Consociationis

Consociatio propositum sibi finem habet, Mariam sine originali labe conceptam debito recolendi, necnon secundum nuntium numismatis sacrae: sanctificatio propria et formatio integralis in vita christiana et apostolatus caritatis praesertim magis derelictis. Eius sacrum numisma est, symbolo quod praefert et virtute qua pollet, exemplar simul et adjumentum ad hoc praebens.

Art 3. De Regimine

§1. Per concessionem apostolicam, haec consociatio est sub auctoritatie unius directoris generalis, qui est Superior Generalis Congregationis Missionis necnon Puellarum Caritatis. (AAS, I, 1909, 669-671)
§2. Director nationalis designatur a Directore Generali ad territorium a Directore Generali determinatum.

§3. The Diocesan Advisor

A Diocesan Advisor proposed by the National Director is appointed by a diocesan bishop to animate the Association in his particular church and works under the authority of the National Director.

Art. 4. De Sociis

§1. Omnes Christifideles huius consociationis socii generales et eius privilegiorum participes effici possunt. Socii generales sunt personae qui portant sacrum Numisma a sacerdote benedictum. Dignum est quod ferant Numisma a collo pendens supra pectus. Laudabile est quod personae recipiant Numisma benedictum a sacerdote et impositum sive a sacerdote sive a laico deputato, iuxta ritum a Congregatione pro Culto Divino approbatum. Hic Ritus cum impositione Numismatis tamen non requiritur ut persona fiat Consociationis socius generalis.

§2. Socii particulares sunt personae qui registrati sunt in Consociatione. Criteria requisita ut persona fit Consociationis socius particularis determinantur Statutis particularibus Consociationis.

Art. 5. De Statutis particularis

Statuta particularia Consociationis proponuntur a directore nationali et approbantur a Directore Generali.

Art. 6. De Gratiis spirituales

Socii Consociationis Immaculatae Conceptionis a Sacro Numismate gaudent indulgentias concessas in perpetuum iuxta rescriptum Penitentiariae Apostolicae habitum die 27 octobris 1995:

1. die inscriptionis in Consociationem,

2. die liturgicae celebrationis Manifestationis B. Mariae Virginis a Sacro Numismate,

3. die liturgicae celebrationis Deiparae Virginis Reginae,

4. die liturgicae celebrationis S. Catharinae Labouré,

5. die liturgicae celebrationis S. Vincentii a Paulo, ac

6. die anniversaria institutionis consociationis.

Art. 7. De Festo Principe

Princeps Consociationis festum est dies 27 novembris, quo manifestationis Immaculatae Virginis Mariae a Sacro Numismate recolitur.

Art 8. Exhoratio

Socii, conscii quod Maria "in coelis assumpta salutiferum __ munus non deposuit, sed multiplici intercessione sua pergit in aeternae salutis donis nobis conciliandis" (LG, n. 62), saepe saepius repetere student invocationem sacro numismati inscriptam: "O Maria, sine labe concepta, ora pro nobis ad te recurrentibus." Meminerint tamen "veram devotionem neque in sterili et transitorio affectu, neque in vana quadam credulitate consistere, sed a vera fide procedere, qua ad Dei Genitricis excellentiam agnoscendam adducimur, et ad filialem erga Matrem nostram amorem eiusque virtutum imitationem excitamur" (LG, n. 67).

Retour vers le haut.